A Concellería de Cultura xunto coa de Promoción Económica programan o acendido das luces de Nadal para a tarde do xoves 5 de decembro.
O acendido, que terá carácter solidario a favor de Cáritas e Cruz Vermella, terá lugar ás 19:30 horas na praza de San Roque.
As familias interesadas en participar no evento deberán facer entrega previamente de alimentos non perecedoiros ou produtos de hixiene na Capela de San Roque entre as 17 e as 19 horas, onde recibirán rifas para participar tanto no acendido como nos posteriores sorteos de agasallos. Os asistentes serán convidados a chocolate con churros durante a duración do acto, que contará tamén con ambientación musical e animación polas rúas máis comerciais.
O Mago Teto deleitará a todas as familias presentes co seu incrible espectáculo de maxia e, ao mesmo tempo, será un inesquecible mestre de cerimonias tanto para o acendido das luces de Nadal como para o sorteo de agasallos.
Durante o show, que comezará ás 19 horas, farase entrega dun total de 5 cheques agasallo para gastar en xoguetes, libros ou material escolar mentres que a familia gañadora do acendido levará para a súa casa unha Nintendo Switch Oled para compartir moitas tardes de lecer