Desde a empresa concesionaria da auga VIAQUA informan que por mor da reparación dunha avaría que EMALCSA ten que realizar na rede de abastecemento que fornece ao noso Concello, podería verse interrompido temporalmente a subministración de auga en horario previsto de 23:00 horas de hoxe xoves ás 06:00 horas de mañá venres.
O Pleno da Corporación aprobou no día de onte cos votos a favor de Sadamaioría, Partido Popular, PSOE,BNG, e Alternativa dos Veciños Sada establecer a alternativa proposta por Augas de Galicia como a opción conforme á cal se redactará o proxecto construtivo que teña por finalidade a minoración do risco de inundación e que incluirá a renaturalización e recuperación da canle fluvial do rio Maior e á eliminación, no seu tramo final, da cobertura actual do río deixando o mesmo a ceo aberto.
A Xunta cambia unha parada de autobús perigosa en Carnoedo solicitada polo Concello. A concellería de Participación Cidadá trasladou ao área de Mobilidade da Xunta de Galicia unha demanda da veciñanza de Carnoedo que verán cumprida a súa solicitude a partir do martes 15 de febreiro.
A presente convocatoria ten por obxecto o establecemento de axudas económicas aos desprazamentos co fin escolar dirixida ao alumnado empadroado no Concello de Sada para o curso 2021-2022, favorecendo o acceso aos centros de ensino públicos mediante unha axuda nos gastos derivados da utilización de calquera tipo de transporte para acceder aos mesmos.
O alcalde de Sada solicita formalmente unha entrevista co presidente da Xunta de Galicia para poder tratar e concretar, á maior brevidade posible, os acordos precisos para trasladar o centro de saúde á parcela dotacional recollida no Plan Xeral de Ordenación Municipal.
O Concello de Sada ten en evaluación os procedementos da reparación da cuberta da piscina municipal, a adquisición dun camión para saneamento, a primeira fase do módulo deportivo de Mondego ou a redacción do PERI da Lagoa que servirá para ofrecer a parcela para o traslado do Centro de Saúde ao centro urbano.
O Concello de Sada está a realizar un estudo para coñecer os aforos de tráfico no centro urbano e adoptar as medidas oportunas de reordenación durante a execución dos traballos de canalización do Río Maior
A Xunta de Goberno Local aprobou onte mediante procedemento aberto simplificado a licitación das obras de rehabilitacion da cuberta da piscina municipal logo dos estudos e proxectos realizados ao longo deste ano.
O novo portal web realizarase merced a unha axuda ao abeiro das estratexias de desenvolvemento local participativo do Galp Golfo Ártabro Sur
Esta convocatoria ten por obxecto establecer o procedemento e criterios para a concesión de subvencións no ámbito do termo municipal de Sada nas materias de “Organización de actividades culturais de interese xeral”, en réxime de concorrencia competitiva e de acordo cos principios de obxectividade, igualdade de concorrencia e publicidade. O Concello de Sada pretende así achegar unha axuda ás entidades culturais municipais sen ánimo de lucro para fomentar a actividade no eido da cultura e facilitar que o tecido asociativo acade os obxectivos de interese xeral que lles son propios. Deste xeito, o Concello exerce as súas competencias no fomento da participación activa da cidadanía, avanza na democratización do acceso da sociedade á cultura e facilita a creación e produción cultural a nivel local.
O proxecto potencia o seu uso municipal, para os veciños de Sada, de cara a promover a práctica deportiva, así como a utilización da instalación para o deporte escolar, formación en educación física e psicomotricidade. O Concello de Sada, destaca a importancia desta inversión xa que “é unha necesidade investir no deporte base, escolar e adaptado. Estes colectivos están a sufrir un gran impacto como consecuencia do COVID” e sinala que “precisamos ampliar a dotación de instalación deportivas cubertas e acometer a remodelación das existentes”.
