O obxecto da presente convocatoria é establecer os criterios e o procedemento para a concesión de bolsas a deportistas de nivel do Concello de Sada, de acordo cos principios de obxectividade, concorrencia e publicidade coa intención de fomentar o deporte de nivel entre os veciños e veciñas do municipio. As axudas son individuais e serán concedidas exclusivamente para o financiamento dos gastos correntes derivados de participar en competicións deportivas oficiais a nivel comunitario, nacional ou internacional cuxas disciplinas estean recoñecidas pola federación galega, nacional ou internacional da disciplina en cuestión e polo Consejo Superior de Deportes. Tempada 2022/2023.
Por medio do decreto núm. 2125/2023 do 16 de novembro, a Alcaldía do Concello de Sada resolveu aprobar a convocatoria de subvencións municipais dirixida a entidades deportivas para o exercicio 2023.
O Club Ciclista Sada e o Concello de Sada organizan o domingo 3 de decembro a MARCHA SOLIDARIA SOBRE RODAS que terá saída ás 11:30 horas dende a Praza Irmáns Suárez Picallo.
Xincana de Samaín-Truco ou Trato, Bosque do Terror no Curruncho, actividades nas parroquias, teatro infantil, cinema de terror ou a segunda edición do concerto Mortos na Vila II: Unha noite de Punk-Rock, entre as actividades programadas polas concellerías de Cultura, de Xuventude e de Turismo e Promoción Económica.
O Concello de Sada e o Club de Atletismo Sada organizan a X Carreira da Auga UNICEF Sada na que toda a recaudación irá destinada ao Programa de Auga e Saneamento (WASH) de Unicef en Níxer
A Xunta de Goberno Local aprobou onte a licitación do proxecto de renovación do pavimento da pista municipal de patinaxe de velocidade de Sada cun orzamento de 65.554,27€
O goberno municipal, a través da concellería de Deportes, Educación e Xuventude, quere dar saída a histórica demanda da mocidade en Sada levando ao pleno o primeiro paso para a construcción dun skate park. “Queremos que a mocidade de Sada se sinta escoitada” sinala a concelleira de Deportes, Rebeca Mouriño, quen adianta que para a redacción do proxecto teranse en conta e reuniranse cos usuarios potenciais, “posto que quen mellor que eles para coñecer as súas demandas para unha pista que levan anos reclamando”
O goberno municipal inclúe no modificativo de crédito do vindeiro Pleno Ordinario unha partida de 306.000 euros. Pola súa banda a Deputación da Coruña subvenciona con 202.000 euros, con cargo ao POS+2023, esta actuación cun orzamento total de 508.000 euros. Esta actuación achegará unhas mellores infraestruturas para o equipo de fútbol do Carnoedo, un club histórico do Concello que actualmente milita en Terceira Galega. "Temos que apoiar, aos que se esforzan de forma desinteresada por fomentar o deporte e a cohesión social como é o caso do Carnoedo" sinala o alcalde de Sada, Benito Portela.
Xoubiñas, Tartarugas e Touliñas son os grupos dos cursos de natación divididos por idades nos que se atenderan ademais a nenos con necesidades especiais grazas a colaboracion de Cruz Vermella.
A concellería de Deportes programa na Piscina Municipal as actividades dirixidas para adultos abonados, compromiso que adquiriu a concelleira de Deporte, Rebeca Mouriño, para impulsar a instalación. Pilates, Aquagym, Zumba, En Forma +, GAP, Strong, Ioga e Tono serán as distintas disciplinas fitness ás que poderán apuntarse a veciñanza de Sada.
A concellería de deportes achega estas actividades deportivas as parroquias aunando a programación das propias casas do pobo para fomentar a actividade física e a participación social activa e xeracional da veciñanza nas parroquias. Para favorecer a organización das actividades a concellería ven de aprobar as primeiras bases de participación das actividades nas parroquias onde se establece tamén o cambio de datas e horarios, consensuados coas casas do pobo das parroquias, para evitar solapar a programación propia de cada parroquia.
A instalación abrirá todos os días en horario de 12.00 a 20.00 nos meses de xullo, agosto e os quince primeiros días de setembro. O alcalde Benito Portela asinou o pasado ano un convenio co grupo Sargadelos para a utilización da piscina nos veráns de 2022 e 2023.