Desde o Concello consideramos as festas como manifestación da cultura popular e dos espazos públicos, que serven para o diálogo e o intercambio entre a veciñanza. É por eso que desde Cultura vos presentamos unha programación para todos os públicos, sobre todo familiar, ao aire libre, e en diferentes emprazamentos para disfrutar de toda nosa Vila. Apostamos polo talento local con varios grupos musicais da zona e tamén dalgunhas compañías extranxeiras porque a multiculturalidade é parte do noso día a día, porque de Sada somos todas e todos. Traballamos para que a veciñanza goce dunhas festas sostibles. Sexamos responsables e respectemos ás medidas e recomendacións sanitarias ao máximo. A cultura é segura!
A Concellería de Promoción da Saúde, Cohesión Social e Voluntariado en colaboración coa Concellería de Educación e Deporte programan unha actividade de “Aventura e supervivencia” dirixida a todos aquelas persoas interesadas pola mesma para dotar as persoas dunha actividade fundamental para motivar, hixienizar e mellorar a vida, poñendo dita actividade ao seu alcance e facilitando o coñecemento da nosa natureza, xunto con técnicas de supervivencia e primeiros auxilios nun contexto lúdico e de aventura.
O Concello de Sada abriu as portas do pazo de Meirás a comezos de xullo tras a saída da familia Franco do Pazo.
O Concello de Sada, a través da concellería de Participación Cidadá, Transparencia, Cooperación, Mocidade e Novas Tecnoloxías, programa actividades de dinamización para público infantil e familiar nas parroquias do municipio no mes de agosto
A concellaría de Obras e Servizos realizou unha actuación na zona da Praia das Delicias despexando de arbustos en mal estado do espazo anexo ao areal para convertelo nun miradoiro da ría acondicionado con céspede artificial e bancos de pedra.
Estas bases específicas teñen por obxecto a regulación dos aspectos particulares do proceso de selección para a formación dunha bolsa de emprego de interinos para cubrir prazas vacantes de persoal funcionario ou calquera das situacións contempladas no art. 10 do Real Decreto Lexislativo 5/2015, do 30 de outubro, polo que se aproba o texto refundido da Lei do Estatuto Básico do Empregado Público, así coma para substitucións por vacacións ou permisos do persoal técnico de xestión de administración electrónica e novas tecnoloxías da información
O Concello de Sada, a través da Concellería de Cultura, programa para a fin de semana do 31 de xullo e 1 de agosto a X FEIRA MODERNISTA DE SADA, marcada pola pandemia do COVID19 e organizada para cumprir con todas as medidas de seguridade vixentes.
A Alcaldía do Concello de Sada aprobou as seguintes convocatorias de procesos selectivos: Bolsa de emprego para postos de peón de brigadas de prevención e extinción de incendios forestais ou postos relacionados e Bolsa de emprego para postos de peón-condutor de brigadas de prevención e extinción de incendios forestais ou postos relacionados. As bases das convocatorias estarán expostas ao público e a disposición das persoas interesadas nas oficinas municipais, Avda. da Mariña, 25, Tfno. 981 620 075, no taboleiro da sede electrónica municipal https://sede.sada.gal e nesta web municipal. O prazo de presentación de instancias, 3 días hábiles, contarase a partir do día seguinte ao de publicación do anuncio no BOP da Coruña.
A día de hoxe máis do 60% dos plans da banda ancha están sen executar polo que o Concello de Sada realizará unha consulta real do despregamento de fibra no municipio recollendo referencias catastrais de zonas que quedan fóra do anunciado polo Ministerio.
Proceso selectivo para a contratación laboral temporal, baixo a modalidade de contrato de duración determinada na modalidade de obra ou servizo de interese social a tempo completo, mediante o sistema de oposición en quenda restrinxida de catro (4) postos de socorrista.
O Alcalde e o Concelleiro de Obras e Servizos do Concello de Sada tiveron a primeira xuntanza de traballo con representantes de Augas de Galicia e da empresa Novotec Consultores S.A., adxudicataria da redacción do proxecto construtivo de mellora do funcionamento hidráulico do río Maior.
