O Concello de Sada expresa a súa satisfacción pola enorme demanda de solicitudes de visita ao Pazo de Meirás. Entidades memorialistas e vítimas e familiares de vítimas da ditadura serán as primeiras en visitar o BIC. O sábado, 3 de xullo, terá lugar unha visita institucional das corporacións municipais sadenses desde o 2007.
A Concellería de Promoción Económica e Turismo considera que neste momento en que empeza a controlarse a afectación da pandemia COVID-19 é preciso incentivar a recuperación dos distintos sectores económicos sadenses sendo a celebración das tradicionais Festas do Carme un momento axeitado para facelo, “xa que se trata dunha festividade que xunta a un tempo a participación popular e a posta en valor dos produtos gastronómicos que se extraen da nosa ría, do noso mar”.
As visitas guiadas gratuitas, dunha hora e media de duración e 20 persoas como máximo, serán de martes a domingo previa reserva
O Pleno da Corporación aprobou onte a proposta de alcaldía do anteproxecto da ampliación da Estación Depuradora de Augas Residuais, cun orzamento total de execución por contrata de 10.306.727,89 euros, logo de que fose sometido ao trámite de información pública sen que se presentara ningunha alegación. A Alcaldía realizou os trámites perante Augas de Galicia solicitando a colaboración técnica e financiera para abordar a ampliación da EDAR de Sada coa fin de adecuar a súa capacidade de tratamento as necesidades actuais do sistema de saneamento. Trátase dunha das inversións máis importantes de Sada nos últimos 40 anos.
O Concelleiro de Saúde remitiu unha carta ao Conselleiro de Sanidade onde tamén lle comunica que “se están a dar pasos para poder facilitar a parcela aprobada no PXOM, para que fagan efectivo desde a Xunta a tan ansiado traslado do Centro de Saúde a unha zona céntrica e máis accesible para as nosas veciñas e veciños”.
O Concello de Sada, a través da Concellería de Medio Ambiente e Normalización Lingüística, habilitou unha estación de limpeza e automantemento de bicicletas, libre e de balde, na zona deportiva do Paseo Marítimo en resposta á demanda dos usuarios e usuarias do municipio.
A actividade de “Roteiros en vela” vai dirixida a todos aquelas persoas interesadas pola mesma , promovida pola Concellería de Promoción da Saúde, Cohesión Social e Voluntariado, para dotar as persoas dunha actividade fundamental para motivar, hixienizar e mellorar a vida, poñendo dita actividade ao seu alcance e facilitando o coñecemento da nosa única e inigualable ría.
O Concello de Sada, a través da Concellería de Benestar e Igualdade, está presente na campaña da Deputación “Liberdade de Ser e Sentir” que ao longo do mes de xuño conmemora o día do Orgullo LGTBQI+.
Seguindo co noso proxecto de horto urbano na Tenencia, propoñémosvos para o mes de xullo un obradoiro gratuito de Maceto Hortos ecolóxicos que está dirixido a nenos/as maiores de 8 anos, mocidade e adultos en xeral.
Dentro do plan de limpeza “Sada Limpa” realizarase unha enquisa de percepción que inclúe o sorteo dunha experiencia náutica sustentable entre as persoas participantes.
