O Concello de Sada inicia hoxe un proceso participativo para que os veciños e veciñas poidan expor as súas demandas e as súas achegas ao plan de mobilidade que se está a redactar. Este proceso, denominado Sada Móvete, contempla actividades como encontros territoriais e sectoriais, entrevistas con técnicos e a realización de enquisas. Os veciños poden participar a través da web participa.sada.gal
A Brigada Forestal integrada no Servizo de Emerxencias Municipal (SEM) comezou a limpeza das marxes do río Maior de forma manual hai 15 días no tramo que discurre por detrás do instituto Isaac Díaz Pardo e no día de hoxe proseguen os traballos na rúa Brañas coa maquinaria en colaboración coa área de Obras e Servizos.
Sada foi o municipio de Galicia que contou co saldo migratorio interno (habitantes que chegan doutros concellos de Galicia fronte aos que se van) máis alto en 2019 con 188 persoas máis e o sexto en 2020 con 171 máis.
A concellaría de Obras e Servizos realizou unha actuación na zona da Praia das Delicias despexando de arbustos en mal estado do espazo anexo ao areal para convertelo nun miradoiro da ría acondicionado con céspede artificial e bancos de pedra.
O Alcalde e o Concelleiro de Obras e Servizos do Concello de Sada tiveron a primeira xuntanza de traballo con representantes de Augas de Galicia e da empresa Novotec Consultores S.A., adxudicataria da redacción do proxecto construtivo de mellora do funcionamento hidráulico do río Maior.
As concellerías de Medio Ambiente e de Mocidade organizan dentro da programación de verán SADA MÓVESE 2021 os obradoiros medioambientais “Reutiliza”.
O Pleno da Corporación aprobou onte a proposta de alcaldía do anteproxecto da ampliación da Estación Depuradora de Augas Residuais, cun orzamento total de execución por contrata de 10.306.727,89 euros, logo de que fose sometido ao trámite de información pública sen que se presentara ningunha alegación. A Alcaldía realizou os trámites perante Augas de Galicia solicitando a colaboración técnica e financiera para abordar a ampliación da EDAR de Sada coa fin de adecuar a súa capacidade de tratamento as necesidades actuais do sistema de saneamento. Trátase dunha das inversións máis importantes de Sada nos últimos 40 anos.
O Concello de Sada, a través da Concellería de Medio Ambiente e Normalización Lingüística, habilitou unha estación de limpeza e automantemento de bicicletas, libre e de balde, na zona deportiva do Paseo Marítimo en resposta á demanda dos usuarios e usuarias do municipio.
Seguindo co noso proxecto de horto urbano na Tenencia, propoñémosvos para o mes de xullo un obradoiro gratuito de Maceto Hortos ecolóxicos que está dirixido a nenos/as maiores de 8 anos, mocidade e adultos en xeral.
Dentro do plan de limpeza “Sada Limpa” realizarase unha enquisa de percepción que inclúe o sorteo dunha experiencia náutica sustentable entre as persoas participantes.
