O Concello de Sada, a través da Concellería de Urbanismo e Emprego que dirixe Francisco Montouto, está a por en marcha a organización de diversas accións formativas dentro do seu I Plan de Formación Municipal para o Emprego (FORME) que se realizarán no ano 2016.
Comézase cun curso de Competencias Clave para melllorar a empregabilidade das persoas que non teñan a ESO.
Máis información Competencias Clave
Obxectivo: Preparar o examen de competencias clave nivel 2 e 3 que se vai realizar en Silleda o vindeiro 21 de maio de 2016.
Programa: As competencias clave necesarias para acceder a todos os certificados dos niveis 2 e 3 de cualificación:
- competencia matemática
- comunicación en lingua galega
- comunicación en lingua castelá.
A competencia en comunicación en lingua estranxeira requirirase para ter acceso aos certificados de profesionalidade que teñan recoñecido un módulo de idioma estranxeiro no seu programa, xa sexa de nivel 2 ou 3 de cualificación.
Están exentas de realizar as probas de competencias clave as persoas que cumpran os requisitos para acceder aos certificados de profesionalidade (recollidos no anexo III da Orde de convocatoria) e estarán exentas de realizar as probas das competencias clave en comunicación en lingua galega as persoas que cumpran os requisitos recollidos no anexo V da Orde de convocatoria.
Data de Inicio: 12 de abril de 2016
Duración: 92 h.
Horario: 9:30 h. a 13:30 h., Martes, mércores, xoves e venres
Lugar: Cámara Agraria, Riobao, s/n
Inscricións: http://goo.gl/forms/tv1pKcbKR3
Tl.: 881.92.90.57/981.62.00.75
aedl@concellodesada.com