- O acceso ao momento limpo realizarase seguindo as recomendacións do persoal existente no mesmo.
- O acceso ao momento limpo realizarase no vehículo, de forma graduada, de tal maneira que dentro da instalación haxa un único vehículo.
- A espera para acceder á instalación realizarase no exterior do punto limpo, formando unha única fila de acceso.
- Durante a estancia do usuario no punto limpo manterase a distancia social de seguridade de 2 metros co persoal do punto limpo.
- Os residuos que se depositen no punto limpo terán que ser do tamaño suficiente para movelo unha soa persoa, xa que deben ser os mesmos usuarios quen o depositen nos colectores correspondentes.
- Para garantir a protección do persoal do punto limpo, recoméndase que os usuarios que accedan ao interior do mesmo leven posto máscara e luvas.
- É fundamental o compromiso e responsabilidade de todos os usuarios no interior da instalación para salvagardar a saúde e seguridade de todos.
O Concello de Sada, a través da concelleria de Medio Ambiente, fai un chamamento a realizar un uso axeitado do servizo de recollida do lixo, a realizar o separativo e depositalo dentro dos colectores correspondentes nas horas axeitadas, máis neste tempo onde é imprescindible concienciarnos dunha maior limpeza polo que estas actitudes incívicas supoñen un perigo para todos os veciños e veciñas.
Non é a primeira vez que desde o Concello de Sada se lembra a prohibición de depositar lixo, entullo, mobles ou residuos voluminosos en lugares non autorizados, mais, debido ao incremento detectado de depósitos incontrolados e de actitudes de mal uso dos contedores de lixo o Concello reitera a petición da necesidade de adoptar dinámicas cívicas e respectuosas co medio ambiente. Lémbrase tamén o carácter sancionable deste tipo de comportamentos e a necesidade do compromiso e a colaboración cidadá á hora de loitar contra este tipo de actitudes.
O Concello de Sada, a través do Consorcio das Mariñas, dispón dun servizo de retirada de residuos voluminosos (mobles, electrodomésticos, colchóns, somieres, etc) totalmente de balde, previa chamada ao 981795524.
