O Club Atletismo Sada e a concellaría de Deportes, xestionada por Zeltia García, organizan tres probas de atletismo para as próximas semanas.
Sada 25 novembro
Cada día no Paseo Marítimo ou nas rúas da localidade pódesen ver centos de sadenses practicando algunha disciplina atlética e desde o Club Atletismo Sada e a concellaría de Deportes, xestionada por Zeltia García, está a levarse a cabo un programa de actividades para os meses de decembro e xaneiro onde se combinan tres especialidades de atletismo (cros, trail e carreira popular) en distintas zonas de actuación entre as que se atopa a ruta de sendeirismo costa Doce.
CROS
O sábado 28 de novembro celebrarase o primeiro Cros Sada de campo a través organizado polo Club Atletismo Sada coa colaboración dá Federación Galega de Atletismo e o Concello de Sada. Se programa para categorías xuvenil, junior, promesa, senior e veteranos.
A proba disputarase no circuíto de Mondego (detrás do colexio Pedro Barrié de la Maza) ás 13:30 horas aínda que previamente, a partir das 11 da mañá celebrarase á primeira Xornada Escolar Campo a través que organizan a Secretaría Xeral para o Deporte, a Federación Galega de Atletismo, e o Club Atletismo Sada onde participarán todos os clubs, centros de ensino, asociacións, ANPAS etc. que cumpran os requisitos da inscrición no programa Xogade.
Dentro dos obbxetivos de Xogade están o fomento dunha práctica deportiva, educativa e saudable, difundir os valores da competición dende unha perspectiva máis regrada e facilitar a práctica nunha modalidade de gran tradición histórica en Galicia.
Desde a organización entregarán premios ao tres primeiros clasificados de cada categoría ao terminar as probas tanto no Cros Sada coma na Xornada Escolar de Campo a través.
CARREIRA NOCTURNA
A seguinte proba que se disputará será unha carreira nocturna polo centro urbano de Sada o venres 18 de decembro ás 19:15 horas nun circuíto que partirá do parque infantil das Brañas. Organizada polo CAS e a concellaría de Deportes do Concello de Sada está indicada para todos os públicos. As categorías benxamín e cadetes correrán de 300 a 750 metros mentres que o resto de categorías correrán todas xuntas na carreira nocturna de 5 Km
O custo da inscrición, que ha de realizarse en www.carreirasgalegas.com, é de 5€ para adultos e 2€ para o resto de categorías e os dorsais recolleranse o mesmo día da carreira.
TRAIL
La Carrera I Trail Costa Doce, terá lugar o domingo 24 de xaneiro e contará con dúas distancias, unha de 24,5 Km con 900 metros de desnivel positivo e outra de 12,5 Km con 450 metros de desnivel positivo.
A carreira está organizada polo Club de Atletismo Sada e o Concello de Sada e se levará a cabo nun circuíto circular que se desenvolve en terreo de monte na denominada ruta de sendeirismo Costa Doce.
O itinerario transcorre por paraxes de alto valor ecolóxico, polo que os corredores deben seguir as pautas de comportamento habituais nos espazos protexidos: non deixar residuos, non acender lume, non producir ruídos que molesten á fauna, non acampar, non saírse do percorrido sinalizado, en definitiva non deixar rastro da actividade. Todo o percorrido atoparase balizado con cinta de cores facilmente visible, acompañarase con marcas e frechas en cruces de camiños.
O último día de inscrición ao trail será o 19 de xaneiro ou se se alcanza antes o número máximo de representantes establecido en 350. A inscrición dá dereito a tres avituallamientos para o trail e un para o minitrail, asistencia sanitaria durante e ao finalizar a proba, transporte a meta dos participantes que abandonen a proba, obsequios conmemorativos, guardarropía, duchas e avituallamiento adicional en meta, ademais de premios ao tres primeiros clasificados en cada categoría de cada proba..
Desde a organización aconsellan que os que queiran participar leven material como roupa ou zapatillas adecuadas para unha carreira de media montaña no inverno, teléfono móbil e GPS. Segundo indican desde a organización o mal tempo non será impedimento para a celebración da carreira aínda que sinalan que se poderá interromper a proba en calquera punto se consideran que poida haber serio perigo para a integridade física dos participantes ou forza maior porque as condicións climatolóxicas así o requiran.