- A pasada semana estiveron no colexio Sada e Contornos explicando a técnica de cepillado aos alumnos de 1º e 5º de primaria.
- O programa de saúde bucodental que a concellería de Educación, xestionada pola socialista Raquel Bolaño, leva aos colexios ten como obxectivo xeral mellorar a saúde bucodental dos nenos e nenas do noso municipio de 1º e 5º de Educación Primaria e, especialmente, contribuír á redución de enfermidades máis prevalentes como son a carie e a enfermidade periodontal.
-Na primeira parte do programa os escolares recibiron unha charla educativa sobre a saúde buco dental. Agora reciben a visita de odontólogos que explican a técnica de cepillado con uso de reveladores de placa e fan unha exploración dental.
-“A área educativa, indica a concelleira Raquel Bolaño, pola súa transversalidade permite traballar moi diferentes aspectos, neste caso hábitos saúdables, que á súa vez redundarán no propio entorno do/da escolar e da sociedade en xeral”.
Sada 3 novembro 2016.
A prevención das enfermidades bucodentais ten como etapa idónea a infancia, xa que, neste período vai aparecendo a dentadura de leite e a definitiva; é por iso o momento adecuado para adquirir coñecementos, hábitos saudables e aplicar medidas preventivas eficaces.
Desde a concellería de Educación, Xuventude e Saúde, xestionada pola socialista Raquel Bolaño, entenden que os centros docentes son o lugar idóneo xa que permite “chegar ao colectivo escolar para lograr mellorar o estado de saúde bucodental en escolares e promover a adquisición de hábitos alimentarios e hixiénicos saudables. Se trata dunha nova iniciativa, entorno aos 3000 euros de inversión, onde hai un punto de encontro entre a saúde e a educación para a saúde”.
Segundo indica Raquel Bolaño os obxetivos xerais do programa de saúde bucodental son “a prevención de enfermidades buco dentais e adquirir hábitos saudables para manter unha óptima saúde buco dental, pero tamén búscase promover hábitos alimentarios e hixiénico saudables ou a adquisición e aprendizaxe de técnica de cepillado. A prevención sempre da máis respostas e é moito máis útil, sendo os escolares un grupo fantástico para implementar hábitos saudables e de promoción da saúde”.
Os escolares de 1º e 5º de primaria dos colexios Sada e Contornos e de O Mosteiron aprenderon nos últimos días á a coñecer os elementos que forman a boca e a súa función, a diferenciar os distintos tipos de dentes e as súas función así como a coñecer os utensilios de limpeza bucodental, entender que é a carie e a enfermidade das encías e diferenciar alimentos saudables e prexudiciais para a saúde buco dental.
O programa sinala Bolaño pretende tamén “concienciar á familia para lograr actitudes saudables de hixiene buco dental, evitar o consumo de doces entre comidas e desenvolver unha actitude preventiva ante posibles accidentes que puidesen afectar á dentadura do neno o nena”.
Desde a concellería se ofreceu este programa de saúde buco dental a todos os centros escolares do municipio con aulas de educación primaria e informouse, mediante circular aos pais e nais dos alumnos e alumnas realización do mesmo. Ao longo do curso fixarase unha data para dar unha charla ás familias en materia de saúde buco dental, consellos e coidados para unha boa saúde desde a infancia.
Desenvolvemento do Programa
Os escolares de Sada recibiron na primeira parte do programa unha charla educativa sobre a saúde buco dental. Seguidamente recibiron a visita de odontólogos que explicaron a técnica de cepillado, a realización nos baños de técnica de cepillado con uso de reveladores de placa e farán unha exploración dental.
A avaliación, basearase na asimilación da información de educación para a saúde e na adquisición de hábitos saudables no primeiro curso de posta en marcha do programa de saúde bucodental. Nos alumnos de 1º primaria avaliaranse os índices de caries en cursos posteriores.
Arquivado en
