OMIX Sada

CONVOCATORIA PRAZA DE INSPECTOR PERSOAL FUNCIONARI...O DO GRUPO A/A2 OFERTA DE EMPREGO PÚBLICO 2024.

19 / FEB / 2025

As presentes bases específicas teñen por obxecto a regulación dos aspectos particulares do proceso selectivo para o acceso, polo sistema de concurso-oposición pola quenda de promoción interna a unha (1) praza de persoal funcionario denominada: Inspector-Xefe, pertencente á escala de administración especial, subescala servizos especiais, clase policía local (escala executiva, categoría inspector), grupo A, subgrupo A2, incluída na Oferta de Emprego Público do Concello de Sada para 2024.

CURSO DE SOCORRISMO EN INSTALACIÓNS E ESPAZOS ACUÁ...TICOS NATURAIS NO CONCELLO DE SADA.

17 / FEB / 2025

As concellerías de Emprego e de Educación, Deportes e Xuventude programan un CURSO DE SOCORRISMO EN INSTALACIÓNS E ESPAZOS ACUÁTICOS NATURAIS NO CONCELLO DE SADA. impartido pola Federación de Salvamento e Socorrismo de Galicia (FESSGA).

Isabel Risco recupera a súa personaxe Nabiza Girl ...nun novo espectáculo teatral no que a superheroína combaterá o esmorecer da cultura galega

17 / FEB / 2025

Sada acollerá o vindeiro domingo 23 de febreiro a estrea de ‘As aventuras de Nabiza Girl. O estraño caso da Cultura Minguante’. Isabel Risco escribe o texto xunto ao guionista Carlos Ares e Fran Rei, director da obra, e comparte escena co intérprete Alberte Bello

Convocatoria do Concurso de disfraces do Entroido ...en Sada 2025

16 / FEB / 2025

Para celebrar o Entroido en Sada A Concellería de Cultura e Normalización Lingüística propón organizar un concurso de disfraces o martes 4 de marzo.

Tercera Convocatoria de Proceso Selectivo provisió...n praza Técnico de Administración Xeral OEP 1-2021

12 / FEB / 2025

Segunda convocatoria para a provisión en propiedad...e dunha praza de técnico de deportes OEP estabilización

11 / FEB / 2025

Convocatoria do proceso selectivo para a provisión en propiedade dunha (1) praza de persoal funcionario de carreira da Escala de Administración Especial, Subescala Técnica (Grupo B de clasificación), denominada: técnico de deportes, vacante no cadro de persoal e incluída na Oferta de Emprego Público de estabilización (OEPE) consonte á Lei 20/2021 de medidas urxentes para a redución da temporalidade no emprego público (BOP núm.100, 27-5-2022), mediante o sistema selectivo de concurso-oposición en quenda libre.

BOLSA DE EMPREGO FUNCIONARIOS DA ESCALA DE ADMINIS...TRACIÓN XERAL, SUBESCALA AUXILIAR

05 / FEB / 2025

Proceso selectivo para a formación dunha bolsa de emprego de interinos para cubrir prazas vacantes de persoal funcionario ou calquera das situacións contempladas no art. 10 do Real Decreto Lexislativo 5/2015, do 30 de outubro, polo que se aproba o texto refundido da Lei do Estatuto Básico do Empregado Público, así coma para substitucións por vacacións ou permisos do persoal funcionario da escala de administración xeral, subescala auxiliar. O órgano competente da Corporación poderá adscribir ós/ás aspirantes nomeados/as, través do correspondente procedemento regulamentario, a calquera posto de traballo que, de acordo co seu grupo de titulación, teña asignadas funcións propias desta categoría profesional. A bolsa de emprego resultado do proceso selectivo substituirá á aprobada para o tipo de posto polo Resolución de Alcaldía núm.1074/2023, do 2 de xuño.

XORNADAS DE PORTAS ABERTAS NOS CENTROS ESCOLARES D...O MUNICIPIO

04 / FEB / 2025

A concellería de Educación do Concello de Sada quere dar visibilidade ás Xornadas de Portas Abertas que organizan os CEIP do municipio.

CAMPAÑA DE PROMOCIÓN DO COMERCIO LOCAL NO "SAN VAL...ENTÍN"

04 / FEB / 2025

O obxecto destas bases é o de regular a participación na Campaña de promoción e fidelización do consumo no Comercio Local no «Día San Valentín en Sada», que comezará o luns, 10 e rematará o venres 14 de febreiro de 2025, día de San Valentín.

PROCESO SELECTIVO PRAZA DE OPERARIO, OEP 2021

30 / ENE / 2025

As presentes bases específicas teñen por obxecto a regulación dos aspectos particulares do proceso selectivo para a provisión en propiedade, polo sistema de concurso-oposición por quenda libre, dunha (1) praza de operario, persoal laboral, pertencente ao Grupo V, vacante no Cadro de Persoal e incluída na Oferta de Emprego Público do Concello de Sada para 2021 (BOP núm. 246, do 28-12-2021) e modificada por resolución de alcaldía 800/2024 do 29 de abril de 2024 (BOP núm. 88, 07-05-2024) en todo aquelo que non estea previsto nas Bases xerais dos procesos selectivos para o desenvolvemento da Oferta de Emprego Público para o Concello de Sada do ano 2021, aprobadas pola resolución da Alcaldía núm. 788/2023, 27 de abril e modificadas pola resolución da Alcaldía 1098/2024, do 10 de xuño publicada no BOP núm. 120, do 21-06-2024.

SUBVENCIÓNS FO206: PROGRAMA DE SUBVENCIÓNS PARA FI...NANCIAR GASTOS DE PERSOAL TÉCNICO NOS SERVIZOS MUNICIPAIS DE CULTURA EN 2025

15 / ENE / 2025

Por acordo adoptado polo Pleno Corporativo do 24 de xullo de 2024 a Deputación da Coruña aprobou a modificación da súa Ordenanza xeral de subvencións e transferencias, cuxo texto definitivo se publicou no BOP número 185, do 25 de setembro de 2024. Así mesmo, por Resolución de Presidencia do 10 de outubro de 2024 aprobáronse as Bases reguladoras do Programa FO206: Programa de subvencións a concellos e outras entidades locais para financiar gastos de persoal técnico nos servizos municipais de cultura en 2025.

Convocatoria de subvencións a entidades sen ánimo ...de lucro para organizar actividades culturais 2024

10 / ENE / 2025

O Concello de Sada desenvolve esta liña de axudas dirixida a entidades culturais municipais sen ánimo de lucro coa finalidade de colaborar a manter a actividade das asociacións culturais, de fomentar a actividade no eido da cultura no termo municipal e de facilitar que o tecido asociativo acade os obxectivos que lles son propios. Deste xeito, o Concello exerce as súas competencias no fomento da participación da cidadanía na vida cultural, facilita a creación artística e a produción cultural a nivel local e avanza na realización do dereito da cidadanía á cultura. Esta convocatoria ten por obxecto a concesión de subvencións no ámbito do termo municipal de Sada nas materias de “Organización de actividades culturais, en réxime de concorrencia competitiva e de acordo cos principios de obxectividade, igualdade de concorrencia e publicidade.