O vindeiro mes de maio, días 28, 29 e 30, desprazarase ata Sada un equipo da Policía Nacional para efectuar a expedición de DNI e, como novidade, tamén do Pasaporte.
A entrega dos documentos será inmediata, xa que a Policía Nacional ven de incorporar vehículos adaptados para a expedición de senda documentación. Por cuestións organizativas, esta unidade móbil estará localizada na praza Irmáns Suárez Picallo en horario de 9h a 13h durante os tres días.
A Policía estima un cupo de 40 prazas diarias para as que será imprescindible solicitar reserva previamente. A mesma pode realizarse a partir do vindeiro luns 7 na planta baixa do Concello de Sada ou chamando ó tlfn. 981620075 e premendo na extensión 255. A fin de organizar este servizo, as persoas interesadas deberán comunicar nome e apelidos, DNI e un número de contacto.
A Policía Nacional recorda que para a expedición do Pasaporte é necesario contar cunha fotografía recente tamaño carné, o DNI en vigor, así como abonar 30 euros en concepto de taxas pola expedición. Aquelas persoas que tramiten o pasaporte para seus fillos menores de idade deben ter en conta que SEMPRE estarán presentes os dous proxenitores, que deberán aportar tamén o Libro de Familia.