Desde a concelleria de Cultura instalouse ademais un novo posto de socorrismo e pasarelas adaptadas a persoas con mobilidade reducida e a próxima semana instalaranse catro casetas cambiadores con estética modernista.
A concellaría de Cultura e Praias realizou un investimento para mellorar a seguridade, a accesibilidade, o lecer e a atracción do turismo nos seus areais
Sada, 24 de xuño 2017.
Desde a concellería de Cultura e Praias, xestionada pola socialista María Pardo, está a apostarse fortemente pola mellora e a seguridade e o acondicionamento dos areais urbanos.
Neste sentido, destaca a instalación nos dous areais urbanos de varias plataformas, adaptadas a persoas con mobilidade reducida con cadeiras de rodas, e un posto novo de socorrismo na Praia das Delicias, que carecía del desde hai uns anos. Este novo posto é necesario para dotar de maior seguridade á Praia.
Ademais, a próxima semana instalarase unha plataforma flotante que se penetrará uns 100 metros no mar coa que se avanzará por encima da zona de lodo co que logrará que a Praia das Delicias póidase utilizar para o baño durante as horas intermareales.
Por último, tamén a próxima semana, instalaranse catro casetas cambiadores con estética modernista na mesma Praia das Delicias que lembrarán ás antigas casetas que había na praia ata os anos 70. Estas casetas serán públicas e poderán ser utilizadas polos bañistas no horario do servizo de socorrismo, entre as 12 e as 20 horas.
Todas estas actuacións están encamiñadas a facer máis accesibles e seguras as praias e a impulsar e reactivar o turismo na zona. "Esta aposta pola mellora dos nosos areais persegue varios obxectivos: incrementar a seguridade dos nosos bañistas, facelas máis accesibles para as persoas con mobilidade reducida e atraer a máis turistas para tentar aumentar o consumo no noso concello e así reactivar a economía", apuntou Pardo.
Arquivado en
