O concelleiro Xosé Lois Suárez Becerra, presentou xunto con representantes da Reserva da Biosfera e os directores dos colexios de Sada e Contornos, Miguel Gayoso e Pedro Barrié de la Maza, Ovidio Airas, o Programa de Educación Ambiental “Somos Biosfera”, unha iniciativa da concellaría de Medio Ambiente e o GDR (Grupo de Desenvolvemento Rural) das Mariñas-Betanzos.
@salto2
sada, 10 febreiro 2017
O edil nacionalista, responsable municipal deste departamento, incidiu na oportunidade deste tipo de estratexias para a promoción dos recursos naturais do concello sadense, e as súas posibilidades para converterse, por pioneiro e pertinente, en referente para toda España. Neste sentido, Becerra apuntou á conveniencia de estender a súa aplicación ao case vinte municipios da Reserva As Mariñas-Betanzos...
Na mesma convocatoria, o Goberno de Sada anunciou o inicio da redacción do Plan de Xestión do Espazo Natural de Interese Local das Brañas. O proceso, para o que se evitaron marcar prazos, desenvolverase en colaboración coa cidadanía, zonificando o humidal co primeiro e último obxectivo de pór en valor esta contorna, único en Galicia e o máis amplo de España.
No acto, Becerra estivo acompañado polos directores do CEIP de Barrié da Maza e Sada e os Contornos, Odilo Arias e Miguel Gayoso, aos que agradeceu a súa “activa participación” no programa, e por Diego López, axente de desenvolvemento comarcal para a Reserva dá Biosfera As Mariñas Coruñesas e Terras do Mandeo.
O Programa de Educación Ambiental de Sada permitirá achegar aos nenos á súa contorna, inculcalos no respecto e, a medio prazo, avalar o seu interese como motor económico de Sada.
A Casa da Cultura Pintor Lloréns acollerá os actos de clausura, unha celebración que asistirán todos os participantes previsto para a última semana de maio deste 2017. Antes, actividades nos centros escolares, desde exposicións para os alumnos a cursos para o persoal docente pasando pola distribución de material didáctico do territorio das Mariñas Coruñesas e Terras do Mandeo.
Neste primeiro programa participarán un centenar de alumnos de Mondego (Quinto e Sexto de Primaria) e 150 de Sada e os seus Contornos (Primeiro a Sexto de Primaria).