Os Servizos Sociais Municipais son o instrumento máis eficaz para garantir a atención das necesidades sociais de toda a poboación do municipio, previr a desigualdade dos cidadáns e das cidadás, favorecer a participación e o libre desenvolvemento das persoas e dos grupos da sociedade e fomentar do desenvolvemento comunitario.
O Departamento de Benestar Social e Igualdade do Concello de Sada conta con diferentes servizos e programas destinados a atender as demandas e necesidades das persoas e dos colectivos:
Servizos para o benestar das persoas
Programas dirixidos á cidadanía
Servizo de información e orientación social
- Primeira atención: información e asesoramento sobre recursos, prestacións e axudas sociais do propio sistema de servizos sociais e doutros sistemas de protección social (sanidade, educación, vivenda…).
- Valoración das necesidades sociais.
- Axudas económicas de emerxencia social municipal.
- Axudas económicas periódicas e de emerxencia social da Xunta de Galicia. Renda de integración social.
- Servizo de asesoría xurídico-social (Plan coordinador de Servizos Sociais do consorcio As Mariñas).
Servizo de atención á familia e á unidade convivencial
- Apoio psico-social. Intervención interdisciplicinar en situacións de conflito e/ou crise.
- Programa de Educación Familiar.
- Gabinete de inserción socio-laboral (Plan coordinador de servizos sociais do consorcio As Mariñas), dirixido a persoas que presentan especiais dificultades para a súa inserción socio-laboral.
Servizo de atención á autonomía e atención á dependencia
- Valoración e tramitación das prestacións que contén o catálogo de servizos e prestacións da Lei de Autonomía e Atención á Dependencia: centros residenciais, centros de día, axudas económicas para a autonomía, eliminación de barreiras.
- Servizo de axuda no fogar. Modalidade dependencia e libre concorrencia.
- Teleasistencia.
- Xantar no fogar.
Servizo de atención á diversidade funcional
- Servizo especializado de ámbito local. Asesoramento e orientación especializada.
- Talleres e obradoiros para persoas con discapacidade intelectual.
- Club de Ocio.
Servizo de atención ás persoas maiores
- Envellecemento saudable.
- Programa de actividades sociais dirixido ás persoas maiores de 55 anos. Talleres e obradoiros semanais.
- Programas de vacacións e termalismo social Imserso e Xunta de Galicia.
Igualdade de oportunidades e prevención da violencia de xénero
- Actividades de sensibilización e difusión da igualdade de oportunidades entre mulleres e homes.
- Servizo de atención ás vítimas de violencia de xénero.
- Campañas de difusión e sensibilización.
Voluntariado e cooperación social
- Voluntariado social.
- Apoio e colaboración con entidades de iniciativa social.
- Fondo Galego de Cooperación e Solidariedade.
Contacto:
O departamento de Servizos Sociais, para un bo funcionamento do servizo, pon en coñecemento as seguintes canles de comunicación:
Teléfono: 981620567 en horario de de 9.00 a 14.00
Correo-e: Servizos.sociais@sada.gal . Enviar breve explicación e numero de telefono para que se poñan en contacto con vostede.
Cita previa: Desde o Servizo de Cita Previa indicar datos e seleccionar departamento de Servizos Sociais e indicar na mensaxe a súa situación. Desde o departamento se devolverá unha chamada en canto lles chegue a solicitude
